Monday 16th of November | २०८३ कार्तिक ३० सोमबार

न्यूज अभियान
हरेक खबर विशेष खबर

मार्कोसको शान्तिपूर्ण विवाद समाधानमा जोड

न्यूजअभियान | प्रकाशित मिति : २०८३ कार्तिक ३० सोमबार | (रासस/एएनआई)

मनिला, ३० कात्तिक : दक्षिण चीन सागरमा तनाव जारी रहेका बेला फिलिपिन्सका राष्ट्रपति फर्डिनान्ड आर मार्कोस जुनियरले आसियान र चीनलाई क्षेत्रीय विवाद शान्तिपूर्ण रूपमा समाधान गर्न आग्रह गर्नुभएको छ ।

मनिलामा आयोजित २९औँ आसियान–चीन शिखर सम्मेलनमा उहाँले आत्मसंयम, पारस्परिक सम्मान र व्यावहारिक सहकार्यलाई व्यवहारमा उतार्नुपर्ने बताउनुभयो ।

दक्षिणपूर्वी एसियाली मित्रता तथा सहयोग सन्धिको ५०औँ वार्षिकोत्सवलाई अन्तर्राष्ट्रिय कानूनको पालना र शान्तिपूर्ण समाधानप्रतिको प्रतिबद्धता दोहो¥याउने अवसरका रूपमा उहाँले उल्लेख गर्नुभयो ।

मार्कोसले दक्षिण चीन सागरमा आचारसंहिता बनाउने वार्ता छिटो टुङ्ग्याउनुपर्ने र सम्झौता अन्तर्राष्ट्रिय कानूनअनुरूप हुनुपर्नेमा जोड दिनुभयो । फिलिपिन्सको विदेश मामिला विभागका अनुसार वार्ताको करिब ८० प्रतिशत काम पूरा भएको छ ।

यसैबीच, चिनियाँ प्रधानमन्त्री ली छ्याङले आसियान र चीनबीचको व्यापार एक खर्ब अमेरिकी डलर तथा पारस्परिक लगानी पाँच खर्ब अमेरिकी डलर नाघेको बताउनुभयो । उहाँले डिजिटल तथा हरित अर्थतन्त्र, कृत्रिम बौद्धिकता र क्षेत्रीय सम्पर्क विस्तारमा सहकार्य बढिरहेको उल्लेख गर्नुभयो ।

चीनसँग व्यापारिक सम्बन्ध कायम राख्दै आएको फिलिपिन्सले दक्षिण चीन सागरका समुद्री चुनौती सामना गर्न अन्तर्राष्ट्रिय साझेदारसँग रक्षा सहकार्य पनि विस्तार गरिरहेको छ ।

यो खबर पढेर तपाईलाई कस्तो महसुस भयो ?

न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुक र ट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan